ترى الكلام اللي حكيته وصلني
وياللاسف مدري وش اللي جراك؟؟
شلي جرى لعقلك يفكر يضرني
انا اللي اهينك وابتعد عن مجالك
انا صحيح اني صغيره بسني
بس انتبه حبي ترى حيل هالك
لا لا تخليني احطك بظني
والله لعزي فيك عمك وخالك
دام العذاب فنون اخضع لفني
عندي العذاب اشكال ماهي في بالك
نصيحتي ابعد بعيد وخلني
اخترت انا الفرقا وبنهي وصالك
احذرك ماهو بتهديد مني
ماينفعك لو قلت كلي حلالك
شفتك قدرت تعيش عني متهني
ولاذكرته قلب عزك وشالك
مااقنع بكذبك ولاهو يهمني
تكذب على نفسك وتتبع خيالك
لاتعتقدا ني اصدق تحبني
حتى عيونك تفضحك وانفعالك
بدري عليك انك تهيني وتذلني
انا عزيز نفس والذل فالك
اعشق منو تعشق ترى ماتحرني
انا لقيت اللي يحبني بدالك
واذا لمحت الهم بعينك يسرني
تبعد عن العالم وعايش لحالك
تذكر كلام قلته العام عني
منت بقده واحسن اللي جرالك
((منقول اتمنى تعجبكم حبايبي
موضوع: انا عزيزة نفس والذل فالك 
الأحد مايو 18, 2008 8:31 pm
